慢煮工業 (已結業)

燈光環境好正話說早幾日去咗太子，因為落大雨所以都冇周圍去行街，淨係周圍搵有餐廳嘅地方入去食吓野，所以我哋就去咗慢煮工業食返餐，餐廳嘅環境燈光效果好正，比較偏暗黑，感覺都幾有feel同情調。叫咗燒烤豬仔骨呢個豬仔骨真係幾好食，肉質唔會話好硬又唔老，而且咬落去仲幾多汁，食落去好惹味。波士頓龍蝦半隻因為我哋有兩個人所以索性叫咗兩份波士頓龍蝦，上面啲芝士好厚，龍蝦啖啖肉，蟹鉗裏面啲肉都幾多，用埋專門用嚟夾蟹鉗嘅器具，好輕鬆就可以鉗左啲肉出嚟。菠菜芝士焗蠔呢個焗號焗嘅時間唔會太耐，所以咬落去仲食到一啲蠔水，食落去唔會話腥，加埋有菠菜芝士，佢自己一個人都食咗兩隻，我淨係食得一隻。迷你朱古力布朗尼配雪糕布朗尼朱古力有好濃烈嘅朱古力味，雖然好甜，但係加埋雪糕一齊食就幾好味。布朗尼朱古力有好輕微嘅熱熱地，再加埋雪糕嘅凍凍地，雙重感覺喺口裏邊。慢煮伯爵茶梨子配雪糕平時食雪梨都係雪梨味，今次食雪梨竟然係伯爵茶味，真係覺得好出奇過癮。