影片
更多
2020-12-14
90 浏览
難得約閨蜜出黎聚就當然要搵個靚靚地方坐低食野打卡點知呢間真係令我地失望到想後數... 首先一上到去就已經聽到比較嘈雜既聲音, 可能咁啱假期所以人比較多。內部裝飾就同現時流行既文青cafe 差唔多。我咁啱被安排到餐廳既窗口高凳位, 係望到九龍公園既, 但個玻璃污糟到有點煞風景。 我跟朋友共叫了一個dessert set(抹茶巴斯克蛋糕+latte), 一個蕃茄肉丸意粉, 一杯冬日限定雪人朱古力 先講一下個dessert set($88), 我明白甜品每日當做所以每款有限量地供應, 但去到落order 時才跟客人說明餐牌上的三款蛋糕入面有兩款都是沒有供應, 希望可以獨立寫一個蛋糕牌明確顯示當日蛋糕精選, 讓客人更清楚知道有邊款可以揀。呢個set 跟既餐飲只能選幾款飲品, 又不能補差價選其他特色飲品真係有點可惜... 味道方面, 抹茶巴斯克芝士蛋糕真係出曬事。雖然底部有見到抹茶色, 但食落完全冇抹茶味, 只有一陣好難食既奶油味。呢個價錢食個咁膠既蛋糕實在不值...... 杯latte 味道都有種說不出的怪...... 令
點知呢間真係令我地失望到想後數...
首先一上到去就已經聽到比較嘈雜既聲音, 可能咁啱假期所以人比較多。內部裝飾就同現時流行既文青cafe 差唔多。我咁啱被安排到餐廳既窗口高凳位, 係望到九龍公園既, 但個玻璃污糟到有點煞風景。
我跟朋友共叫了一個dessert set(抹茶巴斯克蛋糕+latte), 一個蕃茄肉丸意粉, 一杯冬日限定雪人朱古力
先講一下個dessert set($88), 我明白甜品每日當做所以每款有限量地供應, 但去到落order 時才跟客人說明餐牌上的三款蛋糕入面有兩款都是沒有供應, 希望可以獨立寫一個蛋糕牌明確顯示當日蛋糕精選, 讓客人更清楚知道有邊款可以揀。呢個set 跟既餐飲只能選幾款飲品, 又不能補差價選其他特色飲品真係有點可惜...
味道方面, 抹茶巴斯克芝士蛋糕真係出曬事。雖然底部有見到抹茶色, 但食落完全冇抹茶味, 只有一陣好難食既奶油味。呢個價錢食個咁膠既蛋糕實在不值...... 杯latte 味道都有種說不出的怪......
令我感到驚訝既係杯冬日限定雪人朱古力($56)本以為可以飲一杯香濃暖笠笠既朱古力,點知一飲落去就跟超市買到C字牌既棉花糖朱古力即沖包冇咩分別, 嗰刻真係令我覺得被人hea 🤢🤢🤢 賣相方面個雪人仲要好似名畫吶喊咁樣有點嚇人
最後係個蕃茄肉丸意粉($98)。意粉份量細到幾啖食曬, 肉丸雖然有兩大粒但食落沒有很滋味, 可以既話希望肉丸可以細粒但多少少比較容易入口。個茄汁就味道適中, 但可以再多少少蕃茄味。
總括而言, 呢個價錢食到咁樣既質素我覺得真係可以唔洗有下次。
*餐廳設有加一服務收費, 以上價錢未加一
dessert set +冬季限定雪人朱古力
12 浏览
0 赞好
0 留言
张贴
