槾悠

营业中

休息中

行完宜家到晚飯時間所以就隨便搵間餐廳食晚飯，剛好經過見係新開張又唔洗等位就入咗去。兩人餐價錢算合理所以就冇咩點諗就order咗。一上就上咗個半隻海南雞，發現雞髀附近嘅肉非常生，接近刺身等級，只好淨食雞胸比較熟嘅位，味道就只是普通雪雞味。之後上咗個生菜包，啲炒肉都普普通通正常味，但生菜居然係用羅馬生菜馬拉盞炒通菜就唔錯，今餐唯一食得落口嘅菜。溫泉蛋帶子海膽意粉，成個底都係油，油膩到食咗1/4就已經食唔落。兩個人坐一張靠邊嘅細枱，但佢啲餸菜量唔係多但就個碟勁大，根本唔夠位放。總括係非常非常之伏。