鉄人旨花

营业中

休息中

鐵板燒係一個好考驗廚師功力既菜式，因為好講究處理食材既技巧，廚師稍一不慎好容易會將食材處理得太乾。伊勢海老鉄板燒 二人前前菜方面有沙律🥗，有藜麥，沙律菜新鮮，配左自家製醬汁，淸新又開胃。汁煮白鱈魚，鱈魚肉質新鮮，表皮煎得甘香，脆口，肉質厚，啖啖肉，口感唔錯。廚師將龍蝦放在鐡盆上，龍蝦好生猛，手腳仲郁緊。廚師熟練地將龍蝦起肉，慢慢煎。龍蝦爽口彈牙，配上海膽汁，鮮味更為突出。熊本A5和牛，顏色鮮豔，油脂分佈平均侍應介紹多種食法，有蒜片，喜馬拉雅山岩鹽同芥末。和牛本身煎得好香，牛味濃郁多汁，已經好好味。個人黎講，加蒜片係我最喜愛既食法。不過配菜方面都超岀色，茄子同大啡菇鮮甜多汁， 毫不遜色。和牛炒飯，用左日本米，炒到粒粒分明，唔油膩，不過已經飽咗。清酒雞湯，雞湯清甜，而且滲出淡淡酒香。紅荳雪糕，呢款味道平日比較少食，紅荳味道濃厚，加埋脆米，口感十足。