뽀끼 正宗韓國小食 (已結業)

近年韓風吹得好行呀（廢話！），我幾乎每個星期都有睇韓劇同綜藝節目，尤其是係《Running Man》，令我對韓國飲食文化十分好奇。部隊鍋、辣炒年糕、炸雞我都好想試，奈何宜家以我最近既狀況同習慣（聽講韓國人好鍾意食豬肉），短期内難以成行。既然短期內未必去到韓國，唯有食韓國流行美食頂瘾住先。呢間韓國小食店為左模仿韓國街頭飲食文化，特登裝修到好似韓國街頭小吃店風格，播埋我最熟悉的A-Pink《Mr.Chu》歌曲，刻意營造韓國文化同風格。韓國有好多小食吸引到我，奈何眼闊肚窄，只能選一種食物嘗試，所以我先揀《Running Man》一眾主持最鍾意的街頭小食之一……辣炒年糕。見到韓式年糕放在紅彤彤的辣醬内烹煮，當堂勾起我的食慾。韓國辣椒醬比想像中辣，初時有點麻辣，但我都勉強接受到。年糕一條條長白色形狀，口感頗為煙韌，吃多幾條便令我上瘾，直至食完為止。坐在店旁的圓櫈試食辣炒年糕，在音樂包圍下感覺置身於韓國街頭一般，不知何時有機會到韓國旅行，一邊在街頭食辣炒年糕，一邊看着劉在石、李光洙、周一情侣、池錫辰、haha、金鐘國眾人拍《Running Man》外景呢……？