鮪世市場 (鴻威大廈) (已結業)

今日同朋友出開旺角辦事，落雨濕濕搵餐廳食晏之際見到有間新開既日本野就不如入去試下啦，點知有驚喜。餐廳裝修好有日本鮨店既高級感覺，有巴枱，有普通座位，價錢都好實惠。我同朋友都分別叫了個午市套餐，我食三文魚親子丼，朋友就吃吞拿魚蓉丼。午餐包含一個沙律 一個茶碗蒸 一個味噌湯，沙律既醬汁酸甜適中，茶碗蒸好足料好有誠意，味噌湯有埋新鮮豆腐粒夠晒暖胃。三文魚丼擺盤好靚，舊玉子仲印有餐廳既名好有心思，配有沙律三文魚同三文魚子，三文魚有成5-6塊咁多，好味得黎又足料。朋友果個吞拿魚蓉丼份量好多，每啖都有吞拿魚送飯，好新鮮，再配埋d蔥粒好香。差d唔記得講佢個壽司飯酸度同溫度適中，好好味。