哥哥添飯•妹妹泡茶 (已結業)

放咗工諗住食埋飯先返屋企，去到觀塘係巴士站附近，有一間台灣式料理叫做「哥哥添飯·妹妹泡茶」個名幾親切，於是就入咗去試吓。叫咗一份經典鹽酥炸雞魯肉飯定食，一份鹽酥豬扒魯肉飯定食，飲品就叫咗老細萬歲黑糖珍珠奶茶同埋巨峰波子蘆薈梳打。經典鹽酥炸雞魯肉飯定食 - 好豐富，有3款小食+ 4件炸雞+蛋糕，炸雞下面係沙律菜，最驚喜沙律菜上面有炸青椒，超愛😍。魯肉飯肥瘦均勻，最怕食淨瘦肉既魯肉飯。鹽酥豬扒魯肉飯定食 - 一樣有3款小食+ 鹽酥豬扒+蛋糕，呢款定食仲多咗個𣏌子上湯燙油麥菜。通常出面啲set都係得一塊鹽酥豬扒，呢度居然有兩大塊，份量驚人😘！老細萬歲黑糖珍珠奶茶 - 顧名思義就係黑糖珍珠奶茶😂巨峰波子蘆薈梳打 - 巨峰波子幾得意喎，我幾鍾意啲飲品有嘢咬下🥰