澳門茶餐廳 (已結業)

多年來都擺足架子，又要排隊，又要佢指定你坐邊度，無客都要你搭枱，收碟速度驚人，即是想趕你走；平心而論，款式的確比傳統茶餐廳特別，但並不好食，而且份量細。只不過是多年前開張時的氣勢持續至今罷了。招牌菜葡國雞　－－　 葡汁唔太漏，易入口，但不算香，雞只有三數件，兩小片橄欖，草草焗了一會便上枱，雞完全不入味，跟整碟菜好似全無關係咁，但都算嫩滑，只屬剛好合格。炸BB乳鴿　－－　味道幾好，但真的好BB，無乜肉。蒜容炒菜　－－　是全晚最好食的柚子豬仔包　－－　柚子醬一 "pat" 傑塌塌的塗上面，好甜，比起翠華的香、外脆、內軟，還有一大段距離。總括這裡的廚師似乎沒太大誠意做食物的。