瓏門冰室 (已結業)

雖然龍門出名難食 但其實食左幾次我印象都幾好因為我本身係個好大食既人 所以好多時出街食野有個問題係覺得唔太夠喉但黎到龍門我只會食唔哂多過唔夠喉所以就算龍門個價比起普通茶記既平均4-50係貴dd 不過我個人覺得十分值今次叫左黯然銷魂飯 $68蚊(凍飲+3)份量有幾多睇圖就知 接近以本傷人咁濟三大隻半生熟蛋+一堆叉燒 而且叉燒雖然擺得樣衰左d 但都見到全部係半肥瘦 唔會成舊油/勁柴既瘦肉加埋個甜豉油 吉穿隻蛋撈落d飯到食 正到爆講真龍門就算水準唔穩定 叉蛋飯呢d必勝combo都可以伏得去邊 呢個味道呢個份量令我周不時都會想專登出黎食