巴辣仔烤魚雞煲 (加連威老道) (已結業)

🎈巴辣仔烤魚雞煲 (尖沙咀)🔍尖沙咀加連威老道58-60號幸福大廈地下及1樓-----B仔一向都係烤魚嘅忠實粉，一聽到朋友同我講尖沙咀開咗新嘅烤魚舖頭我就非常雀躍😆，即刻就約人陪我食！星期五6：30黎到，餐廳已經就黎滿坐，雖然上下兩層都好full，但係佢地依然安排好大張四人檯比我地兩個人坐，非常貼心。二樓靠樓梯位置設有自組吧，每人加$15就可以任撈醬料，任食冰粉同西瓜🍉。-蒜香味原條沙巴龍躉（$388）濃濃嘅蒜香中帶微味香辣，惹味得黎完全唔嗆喉，辣度啱啱好，唔食得辣嘅朋友仔都handle到。龍躉魚質嫩滑，只有主骨位，無細小嘅骨刺分支，好方便食用，懶人如我一定會愛上。每一條魚🐟，可以免費揀選四樣配料，我地就揀左萵筍、白蘿蔔、娃娃菜同鮮腐竹。萵筍、白蘿蔔嫩口無渣，腐竹則新鮮有荳香，加埋清甜又可以平衡蒜香濃膩感嘅娃娃菜，整體配搭無可挑剔😊。我地最後仲加點一份薯粉，索盡鮮味嘅蒜香汁底，非常美味”。-BB辣涼拌豬手（$48）QQ彈彈，冰涼透心嘅豬手🐷，食落滿滿骨膠原感，加上少少嘅辣味，更係令人欲罷不能。-PS：新開張有全單八折-----👶🏻B仔整體評價：8.1/10個👍🏻👶🏻B仔抵食程度：7.5