尚品廚坊

营业中

休息中

系FB 见到有人介绍话任食牛颈脊，又包前菜鸡煲，4位仲送埋酸菜鱼，就揾老友去试下先，第一次walk in 无位，所以记得订枱先好去，因为铺面唔大，大慨5-6张4至6人枱，同两张2人枱，无位有啲要坐铺外就无冷气。$218 任食鸡煲牛颈脊已经好抵食，开五至十点，无限时任食仲包左海皇瑶柱花胶羹，蒜蓉粉丝蒸圣子👍🏻👍🏻👍🏻串烧西班牙黑豚肉（任食）👍招牌大乱斗惹味鸡煲（任食）👍精选汤底：（番茄薯仔海味汤、360牛乳猪骨汤、芫茜皮蛋百福豆腐汤、重庆麻辣汤）手切牛颈脊（任食）👍👍👍除左以上，仲有芝士牛丸、年糕丸、沙律丸、芝士肠、午餐肉、蔬菜篮系跟一碟牛肉一次上晒比你先。仲有张纸仔比你剔叫其他野： 有牛柏叶，鱿鱼，鹅肠，鸡子，3种饺，炸鱼皮，炸响铃等等食左第一轮上嘅野，我地加左鹅肠鸡子同炸鱼皮，其他无试已经饱晒。任食类就无海鲜食，不过净食牛都回晒本啦！饮品任饮：道地解茶，无糖可乐，五花茶、可乐，雪碧，芬达饱到上心口埋单仲话有甜品送椰汁雪燕冻奶，$218无加一仲要服务几好，怕饮品唔够冻仲问要唔要冰底，今餐真系好满足唯一不足就系喺熟食街市入面，铺面唔大同坐圆櫈无咁舒服。