魚川居 (已搬遷) 新店位置

疫情嘅關係好耐冇出街打邊路啦😋最近收工同同事去咗附近一間任食打邊爐👏有五款湯底自己揀一款今次揀咗好耐冇食嘅水煮魚😋炸物小食：炸芋圓波，炸蟹鉗，仲有炸響鈴😋川式涼拌（本人最愛食😋😋）：豬耳，豬肚，烤茄子（好味）另外仲有海南雞無糖羅漢果茶及青檸柚子茶同埋自家甜品。自助bar有兩種蜆，海蝦，脆肉鯇，魚卜，牛骨髓，鴨血，有多種打邊爐食物款式……….任食打邊爐每人送一份鮑魚，帆立貝👏水煮魚有一碟魚片可以自行加入湯內，仲有安格斯牛小排，牛肩胛，牛板腱及其他配料可以任叫。甜品有自家制洛神花啫喱酸酸甜甜好開胃。環境舒適好適合幾位朋友坐低慢慢傾偈👍