牛大人紅燒牛骨鍋
紅燒的香氣撲鼻，湯底濃厚，用呢個湯底煮嘅嘢食，都非常入味好食！
台灣鳳梨雞鍋
湯底有半隻雞係入邊，非常足料！對比起紅燒牛骨鍋，呢個湯底比較清新。
只要點咗日本黑毛和牛A 4+套餐，就會送海鮮拼盤同M9和牛牛丸！
海鮮拼盤
各種海鮮都好新鮮，有蟶子、蠔、扇貝同鮑魚。
海鮮擺放整齊，下面有冰塊保鮮，煮熟之後亦能食出海鮮既鮮味。
澳洲和牛牛丸
牛丸口感彈牙，咬落去時有好多肉汁。牛肉味濃郁，有別於平時食到嘅牛丸！
牛大人就得任食鮑魚，仲有鮑魚三吃，於是每款都叫咗試吓。
古法醉鮑魚
鮑魚咬落去幾彈牙，鮑魚充滿酒香味，風味獨特濃郁。
柚子燒汁鮑魚
鮑魚肉質鮮嫩，有微微柚子香味，感覺清新。
炭燒鹽蔥鮑魚
鮑魚外焦內嫩，鹽香同鮑魚味道好夾，食落更加有鮮味。
真味牛肉漿
牛肉漿色澤新鮮，質感順滑，有濃郁的牛肉香味，調味適中！
蟹籽墨汁漿
黑色墨汁漿同金黃色既蟹籽有強烈色澤對比，睇落好吸引。蟹籽幾鮮味同墨汁漿一齊食有種獨特風味。
章魚珍珠漿
珍珠漿有章魚粒口感獨特，章魚味道幾濃郁，幾好食。
台灣海鮮漿&澎湖花枝漿
海鮮漿同花枝漿有微微咬口，口感幾過癮。
蟹籽蝦滑
蟹籽的顆粒感增加口感層次，蝦滑彈牙好食。
瓜仔雞水餃
水餃皮唔算厚，口感幾好。
台式蝦餃
蝦餃皮都幾薄，蝦肉幾有鮮味！
牛媽秘製滷大腸
滷汁香氣濃郁，大腸質感Q彈，咬落時幾有咬口。
伊比利亞黑毛豬梅肉
豬梅肉片色澤鮮亮，豬梅肉肉質柔嫩，油脂分佈好均勻，有濃郁肉香味。
日本黑毛和牛A4+
和牛肉片色澤鮮紅，睇落好新鮮！肉質極為柔嫩，肉香濃郁，好有油脂甘香味。
士林鹽酥雞
外皮酥脆，肉質幾嫩，外脆內軟，食落幾有鹽香味。
脆肉鯇魚片
魚片好新鮮，好有新鮮色澤，口感得意。
1
