印象中陳廣記開業好耐啦,店舖位於石水渠街條斜路度,平時都多寫字樓職員同埋三行工人幫襯,但係都唔算難揾位,不過佢冷氣就唔多涼同埋佢有户外座位,夏天坐出去都真係幾難頂。
我食果時食店入面清一色係男士,亦都不時聽到廚房傳黎炒野既聲,因為佢午市都係供應炒粉麵飯。
叫左一碟肉絲炒麵+凍檸茶,總共62蚊,作為第一次幫襯,價錢有d貴啦,因為我平時食開50蚊一餐。
肉絲炒麵
味道唔錯,麵底炸得卜卜脆,再鋪上大量肉絲,銀芽同淋埋茨汁,溝埋一齊都ok 既, 不過好油膩,食完之後滯左成個下晝
見到隔離枱食芙蓉蛋飯,賣相幾吸引,一塊巨型既煎蛋笠住d飯,好似幾有鍋氣,下次可能試下。
若果想快手食個午餐,又唔想排長龍,對食物冇太大要求,可以去陳廣記試下。
