九鬼居酒屋 (耀華街)

又到左星期五Happy Friday時間，收工緊係去搵啲有特色既餐廳食飯. 今次係Openrice搵到依間叫九鬼居酒屋既日本餐廳. 餐廳以日本鬼武士做主題，令到餐廳充滿住一種神秘感.

野食好吸引，我地用左唔少時間揀食咩，因為樣樣都想試下，最後終於下定決心叫左以下依啲食物.

海膽鮭魚籽

蟹味噌

黑松露火炙蟹柳

磯煮鮑魚

練海烤野雞

味噌燒羊架

係居酒食野，當然唔會少得串燒.
我地分別叫左牛舌、花竹蝦、紅薯火炙黑安格斯牛等等. 當中牛舌屬於超厚身個種，食落口感滿滿，如果鍾意食厚身牛舌既朋友就岩晒喇！

本人最愛既一道菜，安格斯牛肩肉，推薦大家一定要試下.

整體黎講，食物價錢尚算合理，由餐廳既裝橫，服務員既態度到食物既質素都有保證，食完好有滿足感，值得推薦比大家！