塚田農場 (已結業)

聖誕前夕特別多同事聚餐，今次我哋揀咗間新開嘅餐廳。佢嘅位置比較隔涉，係海港城LCX好遠嘅地方，午餐時行過去都成十幾分鐘，我哋1點去到，呢個時間好多人排晒長龍，證明真係有返咁上下名氣！同事話佢係日本好出名架，東京周圍見到佢嘅分店，呢間係香港第一間分店（好在我哋訂左枱）本來係諗住食佢嘅美人鍋，不過就有少少貴，見佢個拉麵套餐都係100左右，所以我哋轉食拉麵餐牌得三個拉麵套餐，三個拉麵全部都係雞肉嘅拉麵，睇返佢嘅background自家農場，全部都係自家雞，所以呢我哋都好有期待。有個同事叫左柚子鹽味清湯雞肉拉麵，大家忍唔住都試一啖，雞湯湯底都好唔錯！我呢就叫左個辣味味增拉麵，唔錯！湯底夠熱，拉麵個份量都幾多，最正係嗰餐包埋三件炸雞，好好食；仲有餐飲及沙律，講真係好抵食！下次真係要試下個美人鍋！