更多
2021-05-16
222 浏览
记得几年前专登去食过，结论系唔会再去，但今次又系专登去食，可能因为上次印象淡忘左，又想再试真啲，明明啲人话好好饮嘅奶茶无理由自己觉得唔好饮架嘛，所以呢日见未食lunch，就趁下午茶时间又去refresh一下😂。 叫左个餐，茶记嚟讲，佢个火腿奄列好大份，里面好多火腿丝，好足料，正！可惜块奄列个面系干而个底系劲油嘅😅，同埋个人唔太喜欢佢整到太熟，啲蛋唔够滑。唔计状态，味道系正常，唔会偏咸或偏啖。 奄列上面有个大菠萝包，份量又系好够，可惜质素同我自己业余新手整嘅隔夜菠萝包效果系一样嘅，就系唔热又干又硬，个菠萝包同块奄列咁嘅状态，仲要大份量，真系对我消化能力一大考验😅。赞嘅呢，除左火腿丝份量够之外，仲有就系佢个碟边系会high旧仔牛油比你，团牛油溶化嘅状态系刚刚好，份量又配合得宜，唔会好似有啲餐厅咁未够溶，成旧硬野叫做比左你但搽唔到落面包嘅。 食完呢两样野都饱饱地，因为个包系放喺块奄列上面，技术上你个胃系要接收个大包先到奄列嘅，跟住仲有枱上面等左你好耐嘅沙爹牛肉通粉（不敢想像如果叫左沙牛面点算🙈）。可能茶记关系，碟通粉系唔会扣起等你差唔多食完个菠萝包同奄列先热辣辣笔比你嘅。不过讲到味道，呢个沙
叫左个餐，茶记嚟讲，佢个火腿奄列好大份，里面好多火腿丝，好足料，正！可惜块奄列个面系干而个底系劲油嘅😅，同埋个人唔太喜欢佢整到太熟，啲蛋唔够滑。唔计状态，味道系正常，唔会偏咸或偏啖。
奄列上面有个大菠萝包，份量又系好够，可惜质素同我自己业余新手整嘅隔夜菠萝包效果系一样嘅，就系唔热又干又硬，个菠萝包同块奄列咁嘅状态，仲要大份量，真系对我消化能力一大考验😅。赞嘅呢，除左火腿丝份量够之外，仲有就系佢个碟边系会high旧仔牛油比你，团牛油溶化嘅状态系刚刚好，份量又配合得宜，唔会好似有啲餐厅咁未够溶，成旧硬野叫做比左你但搽唔到落面包嘅。
食完呢两样野都饱饱地，因为个包系放喺块奄列上面，技术上你个胃系要接收个大包先到奄列嘅，跟住仲有枱上面等左你好耐嘅沙爹牛肉通粉（不敢想像如果叫左沙牛面点算🙈）。可能茶记关系，碟通粉系唔会扣起等你差唔多食完个菠萝包同奄列先热辣辣笔比你嘅。不过讲到味道，呢个沙牛做得唔错，牛肉有牛肉酥味，个酱食得出有落花生𠮶啲，唔会好似普通茶记咁偷工减料，有啲仲要牛肉劲多渣。
跟住到主角冻奶茶，可能因为无冰的关系，佢用嘅杯嘅容量比其他茶记嘅冻饮杯系细啲架，即系份量唔算多。杯奶茶饮落够浓味，应该系茶够浓同落奶偏多嘅效果，但个人感觉杯奶茶太黏稠，同埋如果饮唔惯浓茶会胃部不适的人，或者多饮淡奶会肚痛的人未必适合。
总结，金凤本身肯比足料顾客，但制作流程唔系好掂，比90分材料得出60分效果。另外，唔计冲茶技巧，杯奶茶足料我估应该系大家觉得好饮嘅原因，我觉得一般茶餐厅的奶茶系金凤嘅一杯份量沟稀变杯半再减少少奶嘅效果。可惜本人唔钟意质地过份浓，加上食呢个大餐同埋仲要喺大热天时下午茶时间食，解渴变得重要好多，因此早知（可惜无😂）会叫返冻柠茶，唔使出现口渴但饮唔晒杯奶茶嘅结果。
最后重点嚟嘞，虽然金凤足料，但唔好忘记啲羊毛系出自你身上，金凤一个茶记常餐配冻饮要成$54，性价比甚低。本人觉得菠萝包同火腿份量可稍减至同其他茶记一样（沙爹牛肉同饮品份量唔使减），定价$45喺呢区先叫做合理，减左嘅份量，成本肯定无十蚊，即系掉转嚟讲，其他茶记比多啲料你做到金凤份量，多比你嘅材料人工肯定无十蚊咁多。仲有金凤个菠萝包咁唔好食，换片热辣辣烘牛油多士好过，唔好夹硬放落个餐度去合理化过份mark up左嘅餐价。我真系见到隔离枱有人成个包只系咬左一细啖，然后比伙记执枱一齐倒左落桶，可能系份量offer过多焗你比贵啲价钱去买一个餐，又可能系客人想减肥或者失预算唔够饿叫左食唔晒卦。
记住，食落你觉得足料系已经反映左喺价钱度，佢系无赚少你嘅。
张贴