自家點心 (已結業)

中午同朋友仔去太子，見到呢間「自家點」係新開，鐘意食點心既我地當然去試下啦! 點心紙上有差不多20 樣點心，相比其他點心店選擇確是不少。每樣點心都是大約$15-20到，抵食! 點心係即叫即蒸，食落全部都係好熱架。招呼不算差, 每個阿姐也算中規中矩, 每次都主動添茶，但最重要的是點心質素:1. 蘿蔔糕 - 極高水準. 全部是蘿蔔, 透明的. 與一般茶樓白色比較, 真是天壤之別，好有口感，好軟身, 好好味!2. 芒果糯米糍 -芒果的香味及甜度足, 糯米軟硬適中, 口感軟綿綿，超好味!3. 脆網蝦米腸 -經油炸過的鮮蝦，咬落去是熱騰騰，配合腸粉來吃，是做到外軟而內脆，再加上彈牙的鮮蝦，口感十分討好。4. 蝦餃 -是五星級酒店酒店出品， 餃皮超薄, 裡面的蝦相當彈牙!5. 燒賣 - 燒賣內的豬肉成分不少，肥肉亦不多，但仍做到肉質鬆軟有肉汁，夠熱，正6. 酥皮叉燒包 -籃子裡 2 個小巧叉燒包色澤金黃, (!!!), 軟綿綿的餐包內如熔岩般的叉燒餡一湧而出, 十個讚!7.沙津盞 -鎮店之寶，外殼夠脆，沙津好新鮮，夠凍!