同老公睇完戲後
就去到預先訂位既餐廳食飯-Jan Jan 串揚
於半年前曾到日本大阪食過所謂正宗串揚
感覺內裏食物又乾又硬
炸左好耐，如街邊檔的煎釀三寶
炸後等你叫, 再番炸
及炸皮與食物各走各路
朋友極力推薦我試試灣仔JanJan串揚
正宗大阪串揚, 師傅都係日本黎
比大阪食到既串揚更正宗
雖則聽完感覺奇怪, 但都去試左
(日本師傅幾型仔下)
香脆雞翼 $14/隻 (兩隻起)
首先試試小食, 雞翼
一啖咬落去
發出卜卜脆的聲響
非常香脆, 值得一試
高湯雞蛋捲 $45
第二樣就係蛋卷
可睇出廚師控制火喉技巧
上枱時還有微微的熱氣
雞蛋卷非常嫰滑
食緊野時,
會發現枱上有一盒醬汁及一盒椰菜
e兩樣野係每間食串揚既店舖都會見到
我認為係串揚店既特色
椰菜沾醬汁食一流, 有清熱的感覺
醬汁除了沾椰菜外,
亦都係提供比你沾串揚
但唔係每款串揚都需,
待應放食物上枱時會話你知
終於到串揚出場la
該店串揚與我在大阪的比較
賣相真係有所不同
外層炸皮原整
炸漿非常貼薄
牛肉 $忘記。encore左兩轉 (沾醬)
牛肉嫰冇根有肉汁
粉漿調配得非常好
薄薄一層在牛肉上
牛肉沒有油膩感
原來串揚係咁好味
蓮藕 $27
哇。哇。哇
蓮藕每個窿窿都見到
咬落非常爽口
天使蝦, 半熟煮玉子, 北海道帶子串
天使蝦 $39/隻
天使蝦上已加檸檬, 鹽 (不用沾醬)
只需直接放入口
連蝦殼都可以食
新鮮冇雪味, 正
半熟煮玉子 $23 (不用沾醬)
"好驚喜"
將雞蛋煮到半熟後
再在外層舖滿炸漿
然後攞去炸
蛋外形絲毫無損,
中間仍然是流心蛋黃呀
加少少鹽味道更佳
北海道帶子串 $39/隻
炸漿內除了大大隻帶子
還有蒜片用作揾味
需要趁熱食, 水份充足
口感一流
燒飯糰(醬酒) $23/件
外層煎到脆面
上面加少少牛油
食時令我諗起以為細細個食牛油爆谷味
飯團內有少諗昆布絲, 唔錯
原來佢地有做午市嫁
