信興牛什粉麵

营业中

休息中

喺巴路士街飲咖啡，經過呢間粉麵店，聞到超香食咗一次覺得好好味，隔兩日再返尋味。牛雜河$36個店名有牛雜呢兩個字，就梗係試佢哋嘅牛雜。好唔好味我就唔識點判斷，但一定唔會難食！而且仲幾多料！最勁係，我外賣河粉，啲河粉竟然冇索晒水！而且我好欣賞啲河粉係唔會斷！仲有啊，服務態度超好，外賣竟然唔使加一蚊！墨魚丸河$32第二次就試墨魚丸，食落明顯同連鎖店嗰啲唔一樣，好香，啲肉唔會話好實！一碗竟然有五粒咁多！仲有啊，外賣會俾包潮州辣椒豉油你，好正。我同同事都覺得啲面好味，食完唔會好大陣味精留喺口腔！一定會再幫襯。