影片
更多
2018-07-09
1971 浏览
上次都跟朋友來過呢間餐廳dinner，今日帶另一半過來試下食lunch，點左D同上次完全唔同嘅菜，幾款都好啱食，而且推介呢間分店。中環店位於M88，雖然行左條長命斜先上到來，但由於喺17樓，景觀開揚，都幾舒服，全店位置唔算好多，但光線柔和，店員有禮，要同另一半來慶祝都唔失禮。揭左揭menu，樣樣都想試，意粉、意大利飯、pizza、甜品，最終由我發板，揀左個意粉、烤雞同前菜。前菜都有唔少選擇，平時食沙律都悶，揀左呢個比較特別嘅。香煎帶子配牛油果醬、香芒莎莎(118)，推薦啊！首先賣相已經好吸引，絕對係健康、新鮮之選。香芒莎莎圍邊，牛油果醬墊底，再跟左五粒帶子。帶子只係輕輕煎過，夠香，但唔會過熟，好新鮮。而我最鐘意反而係個醬，牛油果蓉打到好滑，容易入口，再配埋我好鐘意嘅sasa醬，一流，呢個真係又睇得又食得主食揀左意粉，因為我地都鐘意D惹味、香口野，所以揀左烤蝦蕃茄豆瓣醬意大利麵(118)，如果同我一樣鐘意濃味嘅野，一定要試下。首先，賣相亦都係好靚，砌左5隻烤蝦喺面頭，好有心思，配菜除左蕃茄，仲有翠玉瓜。意粉份量適中，條條掛汁，而且唔會太lum。個醬係亮點，蕃茄醬加豆瓣醬配搭，少少香辣，又
前菜都有唔少選擇，平時食沙律都悶，揀左呢個比較特別嘅。香煎帶子配牛油果醬、香芒莎莎(118)，推薦啊！首先賣相已經好吸引，絕對係健康、新鮮之選。香芒莎莎圍邊，牛油果醬墊底，再跟左五粒帶子。帶子只係輕輕煎過，夠香，但唔會過熟，好新鮮。而我最鐘意反而係個醬，牛油果蓉打到好滑，容易入口，再配埋我好鐘意嘅sasa醬，一流，呢個真係又睇得又食得
主食揀左意粉，因為我地都鐘意D惹味、香口野，所以揀左烤蝦蕃茄豆瓣醬意大利麵(118)，如果同我一樣鐘意濃味嘅野，一定要試下。首先，賣相亦都係好靚，砌左5隻烤蝦喺面頭，好有心思，配菜除左蕃茄，仲有翠玉瓜。意粉份量適中，條條掛汁，而且唔會太lum。個醬係亮點，蕃茄醬加豆瓣醬配搭，少少香辣，又唔會太濕，好在另一半都鐘意，唔會太辣，但又好惹味。
烤蝦係輕輕煎過，好加D黑椒調味，新鮮好味
天多利香草烤雞腿(168)都唔錯，因為即時焗，呢個我地都等左一陣，賣相好吸引，面頭加左D香草、香葉，一上枱幾有中東、印度風味裡面全部都係雞脾，好有誠意，數過有8件切件，由於係雞脾肉，即使焗完，D肉都仲係好滑，juicy，加埋加香香濃濃嘅汁，食完一件又一件。估唔到又幾有驚喜，裡面有幾舊焗薯，唔係好lum果隻，沾少少汁又係正。另一半都讚我好小可，成餐飯都點左D啱食嘅野。
平時另一半多數點花茶、果茶，不過今日佢話天氣太熱，所以叫左杯雜莓沙冰(48)，估唔到有咁大杯，真心夠兩個女仔share，而且味道都好唔錯。除左有果醬，仲切切實實有草莓、藍莓果肉，起碼真材實料，而且咁大杯，價錢真係唔貴唯一就係唔知係故意定特色，沙冰裡面嘅有冰塊，唔係完全打到碎哂。
總括來講，成餐飯由頭至尾都滿意，餐廳環境都ok，特別係一位男店員好有禮，主動加水，亦都有留意客人需要。
张贴
