上次黎以掃街為主，今次就要試新野，所以鎖定左呢間特色小酒BAR
。呢度除左有手工啤酒(最平$45就有交易)之外，由前菜、小食、主食、甜品、CAFÉ，一應俱全，價錢係遊客區黎講都算抵同朋友兩個人，叫左水牛城雞翼、芝士球、炸魷魚配墨汁酸忌廉醬、墨西哥忌廉飯
水牛城雞翼 ($30四隻)
因為係新鮮炸出黎，所以上枱果陣已經聞到陣陣醬香味。
雞翼炸到岩岩好，外層脆卜卜，內層嫩滑有雞汁，不過略嫌醬汁唔夠多芝士球 ($26七大粒4細粒)
作為一個芝士怪，最期待就係食呢個可以拉絲既芝士球。只可惜店員炸完之後無即刻送上枱，所以到我食果陣只係暖，而且已經拉唔到絲啦….
加上外層炸粉好厚 且炸到非常硬，用叉要吉到扁先吉得入，唔推介呢款小食
炸魷魚配墨汁酸忌廉醬 ($38)由於已經唔記得自己叫左乜，所以見到呢碟炸魷魚配個黑色既醬果陣呆左，我仲以為係蠔油
試左啖之後有驚喜，居然個醬無腥味之餘，又有微微魷魚味，再配上酸忌廉既酸味，兩個人好快KO左呢碟魷魚
墨西哥肉醬忌廉飯 ($45)呢個飯同我想像有少少出入，本身以為係忌廉飯，但實際係肉醬加一球忌廉
不過味道唔錯，加上辣辣地，係一個咁凍既環境下食佢暖暖身都唔錯
肉醬除左有瘦牛肉粒之外，再加上粟米粒、紅腰豆、洋蔥粒，口味好豐富!!
不得不提，呢個飯既份量絕對對得住呢個價，肉醬更幾乎比飯多如果係奶類製品既愛好者，就記得撈埋忌廉黎食，添加奶油香
雖然平時係市區都可以食到類似既野，價錢可能都差唔多，難得入黎長洲未必會揀佢
但我又覺得坐係度食野，吹吹海風，同朋友吹下水，望住大部分都係外藉旅客既行人路，都幾有渡假FEEL
