金鷺湖

营业中

休息中

約了新界北嘅朋友，所以就揀咗喺大埔到食，而為咗方便泊車，就同朋友提議去小白鷺。當然朋友緊你係唔會Say no啦。一到達，朋友就話我無揀錯地方，單單係餐廳嘅環境已經令到佢好Relax嘅感覺，仲話胃口都大增埋。之前一早訂咗位就唔使等，職員仲安排咗個靚位比我哋。睇完餐牌就揀咗三個點心、一個麵同甜品，包括：-流心鵪鶉蛋燒賣-黑松露野菌餃-鮑魚珍菌千層酥-安格斯乾炒牛河-楊枝甘露流心鵪鶉蛋燒賣，平時食流心蛋都食得多，第一次食流心鵪鶉蛋，隻鵪鶉蛋咁細隻要整流心，然後仲要蒸，真係都好考功夫，計時間亦都要計得好準，最緊要係好好味，而且職員亦都好細心會提醒小心熱。黑松露野菌餃，外表嘅顏色好特別，而餡料亦好香黑松路味道，啱晒我哋口味。鮑魚珍菌千層酥，鮑魚好入味亦夠淋，而底下嘅千層酥超鬆軟，好味！安格斯乾炒牛河嘅牛肉夠嫩滑。楊枝甘露勝在唔會太甜，仲有好多芒果粒。美食+靚景，真係令人好放鬆。