豆漿大王

路經九龍灣淘大商場，總會想走去食下呢間「豆漿大王」，呢間「豆漿大王」既新蒲崗總店曾經連續3年獲得米芝蓮推介小食，淘大分店質素亦毫不輸蝕，一樣做得咁出色，令我想一食再食

餐牌上既餐點價錢都唔算貴，性格比高，係大家都能夠負擔既平民美食。

今次我揀左最鍾意食既粢飯 ($16)同酸辣湯 ($23)

粢飯

$16

粢飯入面有榨菜，油炸鬼同肉鬆，外層薄薄既米飯包住香脆既油炸鬼，細心既店員仲會係落單既時候問洗唔洗切開，方便進食。

酸辣湯

$23

酸辣湯酸同辣既比例調和得好配合， 酸辣湯入面有豆腐同豬皮，材料豐富美味！