康和車仔麵茶餐廳

車仔麵店嚟講我最鍾意就係大圍呢一間， 四個餸加杯豆漿先43蚊重要勁足料重送條生菜， 好多時喺出面叫一個麵底根本就唔夠飽， 加多個麵底加幾個餸可能就已經5字頭重冇野飲。 呢一度係絕對食得飽你嘅份量。

1

佢樣樣餸都做得唔錯其實呢埋眼篤都可以， 不過如果鍾意食辣嘅人 我都會推薦佢哋試下個麻辣豬耳

四餸車仔麵

我今次叫咗豬紅，麻辣豬耳，牛筋腩，同埋鮮腐竹。
除咗車仔麵之外佢嘅芝士撈丁都係必食㗎！

雞扒芝士撈丁

又係食食下先記得影相， 個雞扒煎得好香脆juicy! 個面都烚得啱啱好非常爽彈！芝士濃！
仲有佢啲小食都好正㗎特別要推薦個炭燒豬頸肉， 不過因為今次太飽冇食到 但見寫開食評都講埋啦。

1

燒得外脆內嫩。 諗起都流口水
另外佢仲有得食魚麵， 係魚肉整成嘅麵條 ，我覺得都幾特別，好彈牙。

4

3

1