影片
更多
2018-12-16
317 浏览
呢間餐廳我同老公喺佢開張冇幾耐之後幫襯過兩次，兩次都係晚飯時間去。由於每次排隊時間都太長，我地都冇乜意欲再去。今日又諗起佢，趁星期日中午佢12點先開門，我地就去睇下，諗住如果唔使排隊就食。大約12點15分去到，真係有少少運氣喎，即刻就有位。坐低先黎前菜，每人兩片魚生加芝麻醬，餐廳建議食法係先食一塊，留返另一塊加入茶漬飯。lunch唔食得咁多，老公叫左//梅// ($148)，我就叫左//竹// ($108)。其實兩個飯既材料都係一樣，包括吞拿魚、吞拿魚蓉、北寄貝、希靈魚、帶子、三文魚子、烏賊、油甘魚、鱲魚，只係份量多少既分別。前面係//竹//，後面係//梅//，可以明顯睇得出兩座山係唔同高度既。首先將wasabi放入豉油，撈埋一齊再倒入魚生同飯度一齊食，wasabi唔會太辣，我感覺係有加入左芝麻粒既，再加埋咸度適中既豉油，魚生好有鮮味，混入柚子皮，飯係暖既，所以夠軟淋淋，加埋一齊實在非常好味，每次食都有in heaven既感覺。食到剩返大約三分一既飯，就加以將飯放入碗度，整成茶漬飯。反而茶漬飯既湯就好似次次都唔同味，之前有一次係wasabi味較重，一次係柚子味較重，今次就wasabi同
大約12點15分去到，真係有少少運氣喎，即刻就有位。
坐低先黎前菜，每人兩片魚生加芝麻醬，餐廳建議食法係先食一塊，留返另一塊加入茶漬飯。
lunch唔食得咁多，老公叫左//梅// ($148)，我就叫左//竹// ($108)。
其實兩個飯既材料都係一樣，包括吞拿魚、吞拿魚蓉、北寄貝、希靈魚、帶子、三文魚子、烏賊、油甘魚、鱲魚，只係份量多少既分別。
前面係//竹//，後面係//梅//，可以明顯睇得出兩座山係唔同高度既。首先將wasabi放入豉油，撈埋一齊再倒入魚生同飯度一齊食，wasabi唔會太辣，我感覺係有加入左芝麻粒既，再加埋咸度適中既豉油，魚生好有鮮味，混入柚子皮，飯係暖既，所以夠軟淋淋，加埋一齊實在非常好味，每次食都有in heaven既感覺。
食到剩返大約三分一既飯，就加以將飯放入碗度，整成茶漬飯。
反而茶漬飯既湯就好似次次都唔同味，之前有一次係wasabi味較重，一次係柚子味較重，今次就wasabi同柚子味都唔多覺，係普通既湯咁，不過有個熱湯做終結，都幾滿足。
服務就普普通通啦，企喺sushi bar入面既日本師傅好細心留意周圍既客人，反而兩個女侍應就背住客人傾計，完全無視我地叫佢，每次都係師傅示意佢地先望到我地。呢樣希望會改善。
张贴
