Trois Cafe (已結業)

今日想搵個舒舒服服嘅地方同個friend傾偈食飯，之前已經嚟過幾次，覺得呢一間餐廳味道好好，環境又好。最緊要就係可以坐喺度好耐傾偈。所以今次介紹埋個friend嚟食！一入到嚟我哋首先點左兩杯嘢飲先。分別係夏日鹽鹽紅豆冰同Summer punch。先講紅豆冰，呢個味道好得意，鹹鹹地，但又同紅豆冰好夾，唔會因為飲得多淡奶而覺得好濟😆Summer punch相對地比較清新，唔會太甜。飲落口有透心涼嘅感覺！好啱夏天飲！因為佢啲嘢食樣樣都好吸引，所以我哋叫咗幾個share一齊食！首先我哋叫咗龍蝦拿破崙，呢個拿破崙係每一次我嚟到都會必叫嘅食物，佢唔單止個龍蝦新鮮，連佢個醬汁都係自己調製嘅，完全可以突出龍蝦嘅鮮味👍🏻同個酥皮係超級鬆化。全部配埋一齊嘅時候係意外地好味😋真係次次食完都覺得唔夠喉😆😆另外我哋仲叫左蘑菇湯，湯嘅味道非常濃郁，每一啖都有勁多蘑菇蓉👍🏻。我最鍾意就係唔使咬就直接食咗粒蘑菇落肚咁😆😆最後就係大啡菇黑松露白酒扁意粉，呢個意粉超級好食，大啡菇味道好鮮甜，而且黑松露同白酒都好夾，佢個白酒中和返黑松露好濃郁的味道👍🏻食落去唔會覺得好漏👍🏻我本人鍾意食偏硬小小嘅意粉，而呢度嘅意粉啱啱就係中