Gram Cafe & Pancakes

营业中

休息中

行過gram又心思思想食飯後甜品。始終一講到疏乎厘pancake，暫時覺得最好味嘅都係呢一間。呢個係期間限定嘅流汁紫薯pancake。當我哋拎起張膠片，望住啲紫薯汁從上面流落去下面，真係覺得好靚！簡直係一件藝術品。Pancake係凍嘅，芝士味比較重，啲汁冇乜紫薯味，主要係靠中間嗰層紫薯蓉嘅味道去搭救。唔太甜，整體都好好味。每人都要限點至少一樣嘢，唔想個個都叫pancake，所以叫咗呢一個西瓜沙冰。細細個西瓜，中間係雲呢拿味嘅沙冰，唔錯，但又不是太出色。餐廳嘅signature疏乎厘pancake要等下一輪，大概30分鐘。一路慢慢食之前另外點左嘅兩個甜品，不知不覺疏乎厘pancake就上枱了。不愧是真店之寶，每次食都可以保持水準，只係今次最上層嘅疏乎厘pancake形態有啲不完美，同埋上到黎嘅時候，已經有啲傾斜，我哋要好快趁住佢未倒塌之前就要影相。上面嘅牛油同埋執鞭嘅cream，再加上Maple糖漿，疏乎厘pancake本身味道都已經好rich, 我試過一個人食晒三陣就非常之Heavy，但今次同朋友share就十分滋味。