鼎泰豐

营业中

休息中

鼎泰豐係我間唔中就想食嘅餐廳，每次都必點幾款食物。銅鑼灣店通常都唔使等位，今次晚餐時間都係直入。食過咁多間小籠包，偏好皮薄多汁，始終最鍾意都係鼎泰豐嘅，一籠六粒，一貫水準穩定，必食。第二樣必點嘅就係蔥油拌麵，係我嘅最愛，蔥油好香亦唔會太鹹，面爽口彈牙。暫時未搵到另外一間好食嘅蔥油拌麵。另一個係我男友必點嘅-就係肉排炒飯，蛋炒飯非常出色粒粒分明，而肉排我就覺得普通。今次試埋紅油抄手，正常水準，比較柔和嘅辣，冇太大驚喜。鼎泰豐嘅服務好似冇以前咁好或者細心，但整體餐飲體驗仍然唔錯。不過今次價錢有調整，食物質素雖然好，確實小貴。