影片
更多
2015-09-10
7289 浏览
其实几年前嚟过一次食Dinner Buffet, 觉得普普通通, 冇野令我留下深刻印像想再回来吃的, 当时冇生蚝供应, 有即烧波士顿龙虾, 但甜品选择很少, 味道亦不太吸引, 所以冇再去过........近来要揾地方吃Buffet, 见HSBC 有 promotion 做8折, 推出北海道主题自助晚餐, 又有即开生蚝, 就订左位再试下, 可惜...........仍然令人失望, 食物质素比较低当晚客人不多, 会否与食物质素有关呢? 还是....... 一入门口就系即开生蚝区, 生蚝有3款, 2款澳洲蚝非常瘦, 劲细粒肉, 1款法国蚝就大少少, 而且3款都比较咸, 由其 Streak Bay Oyster Australia 超咸 , 幸好食落都算新鲜, 不过开蚝师傅系8点松D就开定左几碟系度, 之后就失左踪, 未够9点只摆左3碟共9只开左嘅蚝系度, 人同蚝影都冇再出现, 友人本来想再食蚝, 但见到咁情况都没意欲拎了, Buffet 时间系至到 10点, 但 9点就连人带蚝消失有点那个啰 海鲜区 - 得长脚蟹同冻虾有鲜味而家做紧日本美食, 所以海鲜区有北海道毛蟹 - 但系好可惜, 毛蟹脚
近来要揾地方吃Buffet, 见HSBC 有 promotion 做8折, 推出北海道主题自助晚餐, 又有即开生蚝, 就订左位再试下, 可惜...........仍然令人失望, 食物质素比较低
当晚客人不多, 会否与食物质素有关呢? 还是.......
一入门口就系即开生蚝区, 生蚝有3款, 2款澳洲蚝非常瘦, 劲细粒肉, 1款法国蚝就大少少, 而且3款都比较咸, 由其 Streak Bay Oyster Australia 超咸 , 幸好食落都算新鲜, 不过开蚝师傅系8点松D就开定左几碟系度, 之后就失左踪, 未够9点只摆左3碟共9只开左嘅蚝系度, 人同蚝影都冇再出现, 友人本来想再食蚝, 但见到咁情况都没意欲拎了, Buffet 时间系至到 10点, 但 9点就连人带蚝消失有点那个啰
海鲜区 - 得长脚蟹同冻虾有鲜味
而家做紧日本美食, 所以海鲜区有北海道毛蟹 - 但系好可惜, 毛蟹脚冇鲜甜味, 免强只能说中间一小节有少许鲜味, 应该系下价货, 唔掂
冰镇新西兰黑鲍鱼 - 完全冇味, 友人拎果转形容似食紧擦子胶 我后尾拎果转好少少, 但都系冇乜味, 同海鲜应有嘅鲜甜扯唔上关系, 睇黎又系下价货
长脚蟹 - 呢个反而好鲜甜, 最好食 但都系正常应有质量, 好多Buffet 都食到架啦
冻虾 - 虾都好食, 肉质结实, 鲜甜
海螺 - 又系冇鲜味
冷盘 试左几样北海道男爵薯仔沙律 - OK la, 正常, 其实食唔出同普通薯有乜分别, 仲混左粟米粒
松叶蟹膏筒 - 用cone 装著, 呢个几鲜味, 好食
黑毛猪火腿 - 咸 d 但都几香
沙律菜一般, 有部份菜唔太新鲜, 见到已开始皱
刺身 有带子, 甜虾, 油甘鱼 都好味 ; 黄鳍拖罗就唔好, 有根的
热盘海龙皇汤 - 友人试左, 话似有落味精
灵芝猴头菇鸡汤 - 得阵苦味, 唔香, 唔甜, 总之难饮
健康金钱鸡 - 由3件食材组成, 最底系鸡肝, 中间系桃之类, 顶部似系黑毛猪叉烧, 但成旧都冇味道, 淡谬谬
毛蟹粥 - 几甜, 不过唔知系咪落味精, 因为装左一壳多的份量, 都系食到一粒仔蟹肉
煎鸭肝 - 原本订位问时系讲鹅肝, 点知系鸭肝, 由于呢度D厨师钟意一早整定晒放系度, 所以到你拎时系唔热嘅, 当然冇左外脆内软嘅口感啦, 亦都因为冻左, 甘香味都欠奉, 而本身鸭肝又冇鹅肝咁香同油份较少, 所以呢件鸭肝系令我好失望
席前烧和牛片 - 友人拎完一转话又系冻嘅 (又系整定放系度, shit) 所以唔好食.....我拎时好彩, 见个厨师放左2碟煎好嘅系台, 有2片仲煎紧, 我梗系指示果2片啦, 因为仲暖, 所以我呢份几好食, 有牛香 , 不过食完想再拎时, 个厨师同和牛都失踪了, 只净下头先果2碟冻野系度, 果时只系 9点左右 @@
友人又拎左个炆鹅掌, 我一望话D菇唔似冬菇, 系鲜菇 佢一食果然系, 唉, 几百蚊个 buffet 居然用鲜菇, 要知道鲜菇根本冇冬菇嘅香味, really cheap lor
烧大虎虾 - 你唔装都唔知佢个炉边有虎虾架, 要问佢的, 友人拎左但个样烧到好老, 佢地都话好鞋, 唔太好食, 到9点多少少, 另一友人想拎, 只见成个区的厨都唔见晒, 留下已预先整熟的食物, 虎虾放左烧炉的一角, 头已发黑 @@ 最后梗系唔拎, 又黑又冻的虾 omg
仲有其他热盘, 蒸斑, 咖哩, 烧味 都冇试
38 浏览
0 赞好
0 留言
蛋糕试左几款, 咪道一般, 食落比较湿
北海道蜜瓜布甸 - 冇乜味, 没香味, 又唔香甜, 唔睇样都唔知食紧咩
北海道千层蛋糕 - ok gei, 系湿左D
黑森林蛋糕 - 个蛋糕底好湿下, 又系唔香啰
心太软 - 8点零果时见有职员即场焗紧, 果时食紧其他野冇拎, 但系 9点左右, 又只系见放左制成品系台面用盖吸住就算, 人去机空.... 大佬, 心太软系要即焗即食架, 顶, 放到冻晒点心太软呀, 9点炸, 又系咁, 真系火都黎 最后友人都免强拎左, 只能当旧朱古力蛋糕咁食啰
Haggen-Dazs 迷你杯装雪糕 - 有3款咪 : 咖啡 / 曲奇碎 / 士多啤梨........9点半到就冇晒咖啡味, 问佢入面仲有冇都话系晒度 @@总括:
同多年前食一样, 冇野会令你谂起想再黎食, 今次冇龙虾添, 呢个价钱有更好的选择
最差就系呢度D厨好钟意一早整定要热食嘅食物, 之后人影都唔见, 样样都摆到冻晒硬晒, 令食物应有嘅味道同口感尽失, 浪费资源, 敷衍食客
真系未见过 buffet 至10点, 会9点就唔见晒即场需要负责烹调热食嘅人啰
食物已经都几多样冇乜味, 唔好食, 仲要热食变冻食, 真系难以接受
张贴
