川粵一家 (已結業)

晚上去左呢間川粵食，全店只有16個位，唔算太大，服務員親切。今次試「川」的部分，叫左豬肉卷牛肉餅米線和川香雞扒河粉，兩個都係四川麻辣湯。湯底方面，個人認為辣度適中，麻度夠，不像譚仔用咪精加辣粉，用足香料的湯。至於餸料，雞排香脆肉嫩，牛肉餅手打及豬肉卷切片，可以食出用真肉打，而且價錢不貴，性價比頗高。下次試下「粵」，到底雲吞麵蝦子湯會不會像麥兆記一樣好味呢？和祖傳牛腩水準如何，店內相片是祖傳牛腩麵，不過我覺得配河或米粉應該較好。