雲貴軒米線專門店

今日繼續放假陪百厭仔, 凍冰冰大家都晏咗起身, 好彩趕得切食早餐咋 (10:50前)

2

叫咗兩個早餐

沙爹牛肉米粉配牛油多士, 火腿奄列+茄汁豆--沙爹牛肉都幾香, 微辣, 牛肉應該無落鬆肉粉, 有咬口. 火腿奄列原來有洋蔥, 百厭仔唔like洋蔥, 廿四孝阿媽要幫佢"了"返出嚟.

雪菜雞絲米粉配牛油多士, 腸仔炒蛋--牛油多士新鮮烘製, 非常脆口. 雪菜雞絲米粉亦唔差. 炒蛋ok啦!

最正係兩杯熱朱古力, 非常香濃嘅朱古力味, 喺呢個凍冰冰嘅日子, 簡直暖入心.

埋單$62.00