羅麥記 (青衣城1) (已結業)

近年大家興懷舊，所以忽然開左好多懷舊冰室，今次去到青衣嘅羅麥記就係其中一間。雖然佢嘅裝修有參照以前嘅電影院，風味十足， 但其實餐牌菜式好多都好新派。我地得兩個人，仲要係late lunch, 所以都唔諗住叫太多，。通常去到陌生餐廳我都鍾意看圖識字，今次都唔例外，一開餐牌就被兩味吸引，一味係招牌羅麥雞翼，佢有辣牌，另一味係唔食得都睇得嘅磚頭焗咖哩軟殼蟹飯，再配兩杯有少少懷舊嘅粒粒紅豆冰奶茶/咖啡，我諗應該夠食喇掛。先嚟奶茶咖啡，味夠濃，得！紅豆雪成粒粒冰咁等佢慢慢溶，純粹gimmick, 不過係幾得意嘅。鹵水雞翼加左辣椒，都難唔好食囉最後主角出場喇好大磚呀！有睇開我食評會發現我好鍾意食軟殼蟹😅，所以其實呢個飯係我堅持要點嘅，但佢真係好好味架，隻軟殼蟹好大隻， 炸得好香脆，味道濃郁得嚟唔會過鹹。飯底炒過特別香， 加埋咖哩汁仲正，不過咖哩汁略嫌少左啲唔知其實可唔可以加嘅呢？其實淨係食個飯都已經好飽，因為佢份量好大，但我貪得意搣少少個磚頭包嚟食，點知唔食由自可，一食就停唔到口，佢外皮好似多士烘過咁脆，裡面啲包又好軟熟，用嚟點咖哩汁食，真係飽都要食囉！呢度食物嘅份量都幾大， 我見隔離左右食客都係