牛角次男坊 (東薈城名店倉) (已結業)

難得某日午飯時間見到牛角次男坊係冇人龍嘅，我同我啲同事當然立即衝入去啦。⁣▫️豚肉丼定食採用優質西班牙🇪🇸豚肉。上面淋上次男坊燒肉汁。唔止豚肉有燒肉汁，連漲卜卜嘅飯粒都沾上燒肉汁，教人點樣抗拒呢！明明話食少啲澱粉質嘅我都忍唔住食晒成碗飯喇🤦🏻‍♀️ 呢份定食價錢為HKD78再85折(同事有牛角卡😉)。包括一碟前菜及一支道地「纖。解茶」(其他飲品例如汽水需要加錢)。⁣同事點嗰個「次男坊丼」賣相比我嗰碗吸引得多，層層牛肉疊到成座山咁高😍😍下次再去一定要試呢個😍😍良心店為了支持國泰航空公司嘅員工，推出了期間限定升級優惠。於星期一至日，國泰員工凡堂食惠顧任何正價燒肉丼一客，即免費加配「火焰鮑魚」一隻。咪以為免費就冇好嘢，隻鮑魚真係唔差㗎。(嗱～個優惠做到幾時我真係唔知㗎)。係國泰員工先有咋，因為要出示員工證 。