經過朋友介紹之下
book咗呢一間omakase食晚飯
嗰晚好好彩，我晏晝book都仲有位
地點超級方便，喺銅鑼灣Times後面
上到去環境舒服又乾淨🩵
我哋係坐吧枱，可以望住師傅幫我哋處理每一度食材
而且背後嘅大窗，可以望到銅鑼灣嘅景色
所有員工同埋負責我哋枱嘅師傅都非常細心
其實本人唔係太過鍾意食魚生
師傅喺開始之前都有問過我哋有冇啲乜嘢係特別唔鍾意食或者係會有敏感
餐牌上面有三個價錢
我唔記得揀咗第幾個😂
另外再叫多咗一支清酒🍶
總之埋單兩位加埋支酒 $6000
雖然我個人唔係特別好鍾意食魚生
但係整餐飯我覺得除咗貌相好靚之外
食物嘅味道方面，亦都比我想像之中好食
整餐飯嘅魚生亦都對我嚟講唔會太抗拒
師傅亦都好樂意講解每一道菜式
特別推介大閘蟹膏鍋飯
而且加咗好多海膽，超級之好味！👍🏾👍🏾
整體嚟講呢一餐飯我同我朋友都好滿意
如果有朋友生日，我覺得都值得黎一試😊
1
