抵達之後, 發覺黃埔花園係咁迫人, 適逢地鐵工程, 街道又窄又人多...有少少後悔, 不過一場黎到都行下街食下野啦...
但見屋苑內既食肆都係連鎖店, 大部分都食過, 揀黎揀去都揀唔落手。
路經alfafa門口先發覺從未試過, 見入面人少少, 坐得應該舒服, 就二話不說衝左入去, 想盡快避開人群同醫肚。
舖內有好多位, 但係只有少於十個客人, 比較隔離既一品螞蟻算好疏落。但係環境好坐得舒服係度過星期六下午既首要條件,所以食物已經唔重要了。
正值下午茶時段, 於是揀左:
二人英式下午茶餐($98+10%)
等左一陣就奉上熱咖啡同凍檸茶(凍飲+$4)。普普通通啦, 偏淡係預料之中既。
之後都等左好耐好耐好耐(大概20分鐘?)...先至有得食。但係唔明點解可以咁耐, 因為唯一要時間去預備既就係雞翼。
份量小, 之但係下午就係咁架啦! 值等一提就係雞翼幾好味, 似係雞翼外表既ribs...哈哈
其他都不過不失, 但係足以serve到我地既purpose, 所以都幾滿足! (我真係好易滿足,哈)
食完之後又要再被人海淹沒...無奈
