文記車仔麵 (福榮街)

营业中

休息中

第一次試呢間超級出名既車仔麵，佢有三間分店係深水埗。假期中午去到已經見到大排長龍，雖然好多人，但等既時間就唔算好耐。等陣個陣就要諗定食咩，排到你既時候就要同姐姐講要咩面底同餸，今日試左米線+玻璃魷魚+小花菇+蘿蔔，呢幾款餸都係佢鋪頭十大推介入面，果然好正！米線正常水平，唔會太淋但都唔會係好有口感既米線。玻璃魷魚唔算好入味，浸落湯之後食返唔太食到佢個醬汁既味，不過口感唔錯。小花菇同佢個名一樣係超級細粒，不過份量都唔少，而且非常入味！而蘿蔔亦都好甜！佢個湯底係有少少鹵水，食落唔會太鹹或淡，送面一齊食一流。食得辣既人記得要係比錢既時候同佢講加辣，另外佢仲有一枝油放係枱面等客人自己加，應該係花椒油，加埋食落去會有一股香味同麻麻地，超級惹味。