第一郡

营业中

休息中

深水埗人氣越南菜第一郡，在油麻地開分店，我哋當然唔可以錯過。越南香芧雞翼：雞中翼煎到金黃色，肉質嫩滑多汁。米紙蝦卷：米紙包住原隻大蝦、紅蘿蔔絲、生菜絲、檬粉，配上自家製醬汁，充滿越式風味。蟹膏番茄湯檬：蟹餅用左蟹膏、蟹肉和蛋製作而成，每一口都食到蟹既鮮香味道，配上酸酸甜甜既番茄湯底，足料大碗，果然係必點招牌。順化牛腱米線：湯底以牛骨、香茅、九層塔等熬製，入口鮮甜牛骨味道即時衝擊味蕾，配料更讓我心花怒放，牛腱、牛腩、牛筋、扎肉、大豆芽、芫茜，加上滑溜的米線，豐富極了。烤豬肉撈檬：豬肉烤得惹味，撈埋酸酸甜甜既魚露汁、蘿蔔絲、花生碎、蔥花，十分開胃。班蘭糕：班蘭既椰香味充滿成個口腔，味道非常煙韌，驚喜滿滿。龍眼冰：加左好多龍眼、桃膠，香甜好飲。椰皇：清涼多汁。呢間越南餐廳食物非常有水準，份量十足，出菜快，員工服務慇勤，性價比高。