FIVE GUYS

經過奧海城見到新開左間FIVE GUYS，不過成日經過都見唔係好多人客，lunch就試下，都係唔係好多人，好多吉位，叫左一個雙層一個單層芝士漢堡，叫左all the way，好足料，個包到手好重手。係錫紙包住，堂食攞到包已經即刻打開食，不過麵包外層都幾濕，賣相好麻麻，口感都係好濕，麵包唔香。入面牛肉幾大塊，都幾香，D汁都好多，一路食一路流到隻手四圍都係。薯條炸得幾香，不過調味粉太多，好重味精味，原味比較好食。
價錢唔平，不過份量都足，不過個人麻麻中意，麵包嗰口感實在大大扣分，如果想食漢堡未必選擇依間