影片
更多
2025-06-06
146 浏览
《燒烤堂 - 荃灣》我唔容許我嘅朋友唔知道呢一間燒烤店呀😝每次帶朋友去食，個個朋友都話呢間燒烤好正，啤酒又平又大杯$48買一送一🤭食物既價位適中，同朋友邊食邊飲都唔肉赤，情侶拍拖或者一大班人聚會都適合不過呀😚今次同樣叫左好多野食，都試左幾款之前無食過既菜式💁🏻♀️蜜糖燒菠蘿每次必點👍🏻燒過既菠蘿又香又甜，面頭有一層脆脆既焦糖，十分甘香💁🏻♀️鹽燒翠玉瓜如果覺得食太多肉好腬嘅時候，食返一串多汁嘅翠玉瓜就最啱不過，燒過嘅翠玉瓜有一陣牛奶嘅香氣，充滿水份多汁，解膩一流💁🏻♀️和牛棒配松露一口飯第一次試呢個串串，用咗日式嘅方法配上燒汁調味，上枱時，店員仲會喺個和牛棒上刨滿芝士碎，將蛋黃、芝士、松露飯同埋和牛棒拌埋一齊食勁正💁🏻♀️焦糖青蘋果鵝肝多士又係每次必點，大大件鵝肝放喺多士上面，視覺上已經好衝擊😍醬香既鵝肝配爽脆青蘋果勁夾💁🏻♀️味醂魚干送酒必食😌本身個味甜甜地，又可以點埋沙律醬提味💪🏻💁🏻♀️蒜香牛油酒煮蜆如果你鍾意食西式煮蜆的話，我都會推薦你試下呢道菜，個汁帶有檸檬同牛油既香氣，飲落肚都仲得，啲蜆都幾大隻同埋無沙，配埋蒜蓉包都幾抵食💁🏻♀️豚肉日本蘋果卷豚肉同爽口既蘋果原來咁夾架，外
我唔容許我嘅朋友唔知道呢一間燒烤店呀😝
每次帶朋友去食，個個朋友都話呢間燒烤好正，啤酒又平又大杯$48買一送一🤭食物既價位適中，同朋友邊食邊飲都唔肉赤，情侶拍拖或者一大班人聚會都適合不過呀😚今次同樣叫左好多野食，都試左幾款之前無食過既菜式
💁🏻♀️蜜糖燒菠蘿
每次必點👍🏻燒過既菠蘿又香又甜，面頭有一層脆脆既焦糖，十分甘香💁🏻♀️鹽燒翠玉瓜
如果覺得食太多肉好腬嘅時候，食返一串多汁嘅翠玉瓜就最啱不過，燒過嘅翠玉瓜有一陣牛奶嘅香氣，充滿水份多汁，解膩一流💁🏻♀️和牛棒配松露一口飯
第一次試呢個串串，用咗日式嘅方法配上燒汁調味，上枱時，店員仲會喺個和牛棒上刨滿芝士碎，將蛋黃、芝士、松露飯同埋和牛棒拌埋一齊食勁正💁🏻♀️焦糖青蘋果鵝肝多士
又係每次必點，大大件鵝肝放喺多士上面，視覺上已經好衝擊😍醬香既鵝肝配爽脆青蘋果勁夾💁🏻♀️味醂魚干
送酒必食😌本身個味甜甜地，又可以點埋沙律醬提味💪🏻💁🏻♀️蒜香牛油酒煮蜆
如果你鍾意食西式煮蜆的話，我都會推薦你試下呢道菜，個汁帶有檸檬同牛油既香氣，飲落肚都仲得，啲蜆都幾大隻同埋無沙，配埋蒜蓉包都幾抵食💁🏻♀️豚肉日本蘋果卷
豚肉同爽口既蘋果原來咁夾架，外咸內甜既味道好有層次，食落唔油膩之餘仲好清新💁🏻♀️鹽燒豚肉荔枝卷
🥰同一原理，又咸又甜既感覺，不過入面就換左做荔枝，口感無咁爽口，但食落比蘋果更香甜同Juicy👍🏻💁🏻♀️海苔黑豚肉鵪鶉蛋
鵪鶉蛋整到好似章魚燒咁好得意，粉粉既口感配番大阪燒口味既醬汁，又係送酒一流💁🏻♀️泰式豬頸肉
辣辣地既口味，呢度將豬頸肉厚切後再用勁惹味既醬汁調味，喜歡爽口彈牙既可以一試
💁🏻♀️中切鹽燒牛舌芯&厚切鹽燒牛舌拖羅
好想知道兩者既分別，所以叫曬黎試下邊串更出色😌牛舌拖羅個口感係比較軟身的，油香比較出同埋滑身；而牛舌芯口感係比較脆身爽口啲，牛味相對較出💁🏻♀️鹽燒和牛牛小排
牛扒果然係鹽燒最好食，雖然切細咗，但係個口感一樣係好似食牛扒咁，唔會太軟無曬牛既質感，最好襯熱食💁🏻♀️鹽燒原塊雞皮
呢度既名物😍原片燒既雞皮大大片又脆身，好似食緊薯片咁，食完喉嚨痛都抵呀😝💁🏻♀️汁燒免治雞肉軟骨棒
又係燒烤堂既名物，我好喜歡佢個燒汁配蛋黃呀，用黎點雞肉棒之餘仲可以用番個汁黎點其他野食，超濃郁惹味💁🏻♀️草莓醉山
由於我朋友唔飲酒嘅關係，所以今次我自私飲叫咗杯Cocktail😆草莓沙冰加左少少酒精落去，甜甜地但酒味唔重，唔飲得重酒既都可以試下💁🏻♀️青檸菠蘿梳打
見朋友係咁啜都應該幾好飲的，杯野好多菠蘿肉，睇落好澎湃😚夏天飲應該好爽
张贴
