影片
更多
2023-09-14
56 浏览
講明先，又好成個月冇俾過獎牌！今次俾返個銅牌《燒肉臻》。好食之餘，仲好好傾！由於今次真係食左太多野，我就唔全部講哂！我會group埋黎講！今次黎我同朋友就坐bar枱位，第一個攻略就係如果你如要私人空間，坐返燒肉枱，三五知己飲野傾計一流！如果你係好似我地今晚咁，Ｒ水吹！呢度一定滿足到你！坐bar枱位！《前菜》今次我地因為揸車，所以冇乜飲酒。如果唔係，呢度d前菜真係令你會飲好多！２個人，４個前菜：螢光魷魚、酒盜薯仔沙律、味淋魚乾同胡麻沙律！我自己就最鍾意個酒盜薯仔沙律，酒盜係一種漬物，用鹽或醬料醃漬海鮮內臟，咸咸香香好好送酒！但我唔好酒，所以如果佢真係就咁上酒盜可能我唔係咁鍾意。但今次佢撈左落個薯仔沙律，我就覺得好惹味！佢同個胡麻沙律一個清一個濃，未入正題之前已經先刺激味蕾！《牛肉盛盒＋野菜盛盒》黎到食燒肉，當然一定係叫牛肉盛盒。入面全部都係我介紹過嘅「老朋友」！三角胸小排、背峰、後腰蓋柳、牛小排、三角肥牛、封門柳同板鍵。點解我介紹呢間？就係如果你想學食牛，我首選你黎呢間，一個牛肉盛盒叫哂唔同部位，師傅仔會介紹哂你唔同部份特色，點樣燒好食，變左你黎一次就識哂！食完肉當然係食菜，由於太多野影
由於今次真係食左太多野，我就唔全部講哂！我會group埋黎講！
今次黎我同朋友就坐bar枱位，第一個攻略就係如果你如要私人空間，坐返燒肉枱，三五知己飲野傾計一流！如果你係好似我地今晚咁，Ｒ水吹！呢度一定滿足到你！坐bar枱位！
《前菜》
今次我地因為揸車，所以冇乜飲酒。如果唔係，呢度d前菜真係令你會飲好多！２個人，４個前菜：螢光魷魚、酒盜薯仔沙律、味淋魚乾同胡麻沙律！我自己就最鍾意個酒盜薯仔沙律，酒盜係一種漬物，用鹽或醬料醃漬海鮮內臟，咸咸香香好好送酒！但我唔好酒，所以如果佢真係就咁上酒盜可能我唔係咁鍾意。但今次佢撈左落個薯仔沙律，我就覺得好惹味！佢同個胡麻沙律一個清一個濃，未入正題之前已經先刺激味蕾！
《牛肉盛盒＋野菜盛盒》
黎到食燒肉，當然一定係叫牛肉盛盒。入面全部都係我介紹過嘅「老朋友」！三角胸小排、背峰、後腰蓋柳、牛小排、三角肥牛、封門柳同板鍵。點解我介紹呢間？就係如果你想學食牛，我首選你黎呢間，一個牛肉盛盒叫哂唔同部位，師傅仔會介紹哂你唔同部份特色，點樣燒好食，變左你黎一次就識哂！食完肉當然係食菜，由於太多野影，我都出唔到咁多野食。但呢度一定要講句，佢個燒翠肉瓜係好好食！一定會食好多！
《柚子雞腿》
日本產雞腿肉以柚子醃。一方面令肉質更嫩，另一方面燒出黎冇醬燒咁濃味，有種清爽少少嘅感覺。呢個不知不覺會食好多！
《三文魚籽蟹肉飯＋加拿大龍蝦》
有肉有菜，當然仲有海產。我唔講，你睇相都知個三文魚籽蟹肉飯係幾足料！而隻加拿大龍蝦係幾大隻，有肉又有膏！開邊落大量蒜蓉燒熟。我去食燒肉，乜邊野牛我都燒過，食完牛，仲燒隻咁大隻嘅龍蝦，坦白講，好少可！最後當然係食埋個甜品，一個原味cheesecake，一個當然又係我最愛嘅抹茶cheesecake！成餐飯食到有種再食就中風嘅感覺。仲試左鰻魚可樂！不過我就飲唔出佢鰻魚個位係邊度~大家不妨幾條友叫一枝試試！
去食飯！野食好食當然係正！但最開心係咩？係食得開心~唔信你黎一次！果種氣氛，係你上深圳點都俾唔到你。
张贴
