豐鍋日式涮涮鍋 (已結業)

呢间主打日式火锅放题嘅餐厅，下午有午餐供应。午餐有不同款式嘅日式便当及刺身定食可供选择，一共有22款午餐俾你拣，套餐免费配汽水，供应时间由11:30至下午2:30。餐厅会先量体温，然后安排入座。午市相当多人，要排一阵队先有位。天气太热，所以拣咗刺身定食。定食包面豉汤、前菜、茶碗蒸及汽水。拣咗海幸丼$118，有三文鱼、赤身、油甘鱼、岛池、甜虾、三文鱼籽及带子(跟住餐牌打！）。刺身胜在款式多，每样有一片。季节刺身定食$128，今日系三文鱼、吞拿鱼、三文鱼籽、鱿鱼及池鱼。每样有两片。我钟意茶碗蒸，味道唔错，蛋够滑又够热。面豉汤都够浓郁。