影片
更多
2022-06-09
137 浏览
終於一嚐做辣媽既滋味😏真的好過癮😝講緊既係食辣野🌶，而今次落腳點係尖沙咀K11 Musea 新店「王家沙花樣年華 x 喫麵YumMee概念店」顧名思義就知是中菜crossover東南亞菜，新店唔再局限京滬菜，仲提供一系列四川及粵式佳餚，好多元化。其中K11 Musea店獨家熱辣鍋特色系列，就最吸引鐘意食辣既我。除左有川菜必備麻辣水煮菜式、酸菜魚外，仲有東南亞菜的冬蔭功，喇沙等等，辣度亦可自選。⭐️四川麻辣水煮牛肉太耐無食辣野，只敢點小辣淺嚐，滿足下自己鋪辣癮🌶 估唔到細既都咁大盤，夠晒份量😳 通紅的麻辣汁鋪滿大大少少的辣椒和辣油，而且不時飄來陣陣花椒麻香味，好刺激，令人胃口大開。牛肉片份量不少，下層更有雲耳和紅薯粉，十分足料。雖然紅噹噹望落好刺激，但小辣連個囡都食到幾片，味道香多於辣，川菜獨有的孜然味低調地散發，味道夠地道😋。牛肉稔滑，沾上麻辣汁肉味更香更有層次感，麻中帶鮮，食多都唔覺膩，估唔到咁大盤我一個人都食到8成，難以置信🙈⭐️招牌海鮮蟹肉炒飯🍚無諗過炒飯都咁高質，賣相精緻。用上墨魚汁燴飯🐙，飯粒染黑了更是鮮味；蟹肉混合飯中🦀，口感微濕，軟硬適中，味道香濃鮮甜。飯面鋪滿海鮮，青口、大
講緊既係食辣野🌶，而今次落腳點係尖沙咀K11 Musea 新店「王家沙花樣年華 x 喫麵YumMee概念店」顧名思義就知是中菜crossover東南亞菜，新店唔再局限京滬菜，仲提供一系列四川及粵式佳餚，好多元化。
其中K11 Musea店獨家熱辣鍋特色系列，就最吸引鐘意食辣既我。除左有川菜必備麻辣水煮菜式、酸菜魚外，仲有東南亞菜的冬蔭功，喇沙等等，辣度亦可自選。
⭐️四川麻辣水煮牛肉
太耐無食辣野，只敢點小辣淺嚐，滿足下自己鋪辣癮🌶 估唔到細既都咁大盤，夠晒份量😳 通紅的麻辣汁鋪滿大大少少的辣椒和辣油，而且不時飄來陣陣花椒麻香味，好刺激，令人胃口大開。牛肉片份量不少，下層更有雲耳和紅薯粉，十分足料。
雖然紅噹噹望落好刺激，但小辣連個囡都食到幾片，味道香多於辣，川菜獨有的孜然味低調地散發，味道夠地道😋。牛肉稔滑，沾上麻辣汁肉味更香更有層次感，麻中帶鮮，食多都唔覺膩，估唔到咁大盤我一個人都食到8成，難以置信🙈
⭐️招牌海鮮蟹肉炒飯🍚
無諗過炒飯都咁高質，賣相精緻。用上墨魚汁燴飯🐙，飯粒染黑了更是鮮味；蟹肉混合飯中🦀，口感微濕，軟硬適中，味道香濃鮮甜。飯面鋪滿海鮮，青口、大蝦🦐、鮮魷🦑等都好新鮮，又夠份量，性價比好高。
⭐️陳醋海蜇頭
海蜇頭都幾大片，口感爽脆，沾浸陳醋夠晒入味，係好開胃既前菜。
⭐️炸饅頭
純為個囡喜歡所以點，$38半打都幾多，佢主要為點練奶食，來回仲要店員refill左2次。我覺得配麻辣菜式唔錯，起到中和的作用，可以減辣！
⭐️黑熊珍珠奶茶🧋
絕對係kids-friendly飲品，🐻爆萌小熊造型冰塊唔止冧到細路，大人都覺得可愛到痺🧡，原來熊仔冰係用麥精造既，原粒可食，幾香甜架🥰。
奶茶本身唔太甜🧋，主要甜味來自啲黑糖珍珠，用來解辣就啱晒！
张贴
