4
個二人餐都係500，都幾實惠~
呢度嘅北京填鴨除咗一般嘅甜麵醬，仲有冰梅醬，胡麻醬，同埋我最愛嘅桂花糖醬🌼
勁香甜。加冰梅醬即係變成港式風味，可以自己調校幾款嚟試，都幾有趣。
饃饃皮上枱熱辣辣，配上超脆嘅鴨皮同京葱青瓜🥒爽！
雞絲粉皮 -
好夏日嘅一道前菜，口味清爽而個粉皮夠滑，幾欣賞呢度比好夠汁，食到最後都唔會乾真真
青城山杏汁菜乾白肺湯 -
杏仁味好濃，飲完之後個喉嚨感覺好滋潤可以即刻高歌一曲😆
野菌紅燒豆腐 -
家常小菜清清個味蕾，豆腐外皮煙靭又咬口，醬汁唔會杰撻撻
甜品仲有杞子桂花糕，
清甜兼有滿滿嘅桂花香，桂花控表示開心
