滿屋日本料理 (已結業)

平時經過都要排好多人今日我哋book咗位咁就當然去試一試佢哋主打嘅壽司刺身啦。首先我哋order左一個自家製嘅壽司拼盤，第一個要讚嘅係師傅們所整嘅壽司完全唔似放題出品，壽司飯size適中，加埋新鮮嘅魚生直程可以媲美壽司專門店。刺身方面我推薦大家食赤蝦剌身，帆立貝刺身，兩者鮮味十足，絕對是值得推薦。跟住我哋就開始order燒物。特別推介燒牛舌，完全食唔到有根，而且燒烤嘅時間掌握得十分之好，軟淋多汁。燒雞軟骨亦燒得十分香口，還有燒香蕉簡直係一絕。燒羊架就不過不失，可以一試。最後仲可以有Häagen-Dazs雪糕食，以根據時間季節佢哋會推出特別神秘口味，今晚的一餐，絕對值回票價。