💗老壇酸菜魚（$198／2人份）
湯底加入大量爽脆鹹酸嘅酸菜，令整體酸度十足，而辣度同麻香都比較少，唔食得辣嘅朋友都食到🍲魚片份量超多，雪白嫩滑完全無骨🐟仲有唔同嘅配菜，例如花生芽、蓮藕、萵筍同紅薯粉，吸哂湯汁好好味👍🏼
💗趣脆牛肉粒（$98）
牛肉粒用咗大量不同嘅香料醃製，味道帶點辣🐂但略嫌香料味太過濃，完全食唔到牛肉原本嘅肉味，而且肉質偏韌，反而底下嘅脆片幾好味🤣
💗燒大大茄子（$38）
烤茄子超級大條，食落軟綿多汁，用上大量蒜蓉、孜然粉、辣粉調味，非常惹味🍆
💗黑椒豬頸肉（$28／2串）
爽嫩嘅豬頸肉用上黑椒同孜然粉等香料醃製，食落香口惹味🐖
💗超級水果茶（$45）
水果茶加入香橙、熱情果、西瓜、哈蜜瓜、檸檬等，飲落酸甜清新，解辣一流🍹
💗蔗汁銀菊啤（$88）
蔗汁銀菊啤先飲到啤酒原有嘅麥香，然後有淡淡銀菊花香同清甜蔗香🎋入口清爽順喉，女士必定喜歡🍺
