影片
更多
2024-03-12
1142 浏览
鬼金棒 Kikanbo📍尖沙咀金马伦道20号地舖又一次去尖沙咀睇牙覆诊，搞掂都已经接近7点半，返工返到好攰嘅我哋都想快啲食完晚饭，所以就决定食我哋至爱嘅「快餐」—拉面！附近嘅拉面店我哋都未食过，心怕会伏嘅我哋以9秒9嘅速度，冲去食过一次嘅鬼金棒，希望可以赶喺客满前入座。事实证明我哋嘅策略系成功嘅，坐低无耐就开始不停入客，幸好我哋有加快脚步，先可以坐得舒舒服服咁食个快饭！ 💰$115芫荽辣麻味噌拉面 🍜因为怕太辣顶唔顺，所以上次我嚟到好傻咁叫咗碗走麻走辣嘅拉面，后来先知咁样食好浪费quota，因为唔食辣同麻，根本食唔到鬼金棒嘅精髓。所以今次我要一雪前耻，叫返碗小辣小麻，加埋芫荽，食尽佢哋嘅招牌口味！睇相都见到，成个拉面碗都被满满嘅芫荽覆盖，连五花厚叉烧都被埋没，份量真系惊人！话说我同朋友都唔系芫荽大fans，但我哋都唔讨厌食芫荽，仲不约而同地觉得佢嘅香气好独特，配搭唔同食材、唔同菜式都可以有唔同发挥，令食物味道升华。加咗咁多芫荽落拉面度，多多少少汤底都有沾上芫荽嘅清香，汤底本身嘅味噌味唔算重，但蒜香扑鼻，再加上辣麻两种重口味调料，汤底浓而不油，多饮几啖都唔怕腻。粗身带麦香嘅面条就烟烟韧韧
📍尖沙咀金马伦道20号地舖
又一次去尖沙咀睇牙覆诊，搞掂都已经接近7点半，返工返到好攰嘅我哋都想快啲食完晚饭，所以就决定食我哋至爱嘅「快餐」—拉面！附近嘅拉面店我哋都未食过，心怕会伏嘅我哋以9秒9嘅速度，冲去食过一次嘅鬼金棒，希望可以赶喺客满前入座。
事实证明我哋嘅策略系成功嘅，坐低无耐就开始不停入客，幸好我哋有加快脚步，先可以坐得舒舒服服咁食个快饭！
[价钱 Price]
💰$115
芫荽辣麻味噌拉面 🍜
因为怕太辣顶唔顺，所以上次我嚟到好傻咁叫咗碗走麻走辣嘅拉面，后来先知咁样食好浪费quota，因为唔食辣同麻，根本食唔到鬼金棒嘅精髓。
所以今次我要一雪前耻，叫返碗小辣小麻，加埋芫荽，食尽佢哋嘅招牌口味！睇相都见到，成个拉面碗都被满满嘅芫荽覆盖，连五花厚叉烧都被埋没，份量真系惊人！话说我同朋友都唔系芫荽大fans，但我哋都唔讨厌食芫荽，仲不约而同地觉得佢嘅香气好独特，配搭唔同食材、唔同菜式都可以有唔同发挥，令食物味道升华。
加咗咁多芫荽落拉面度，多多少少汤底都有沾上芫荽嘅清香，汤底本身嘅味噌味唔算重，但蒜香扑鼻，再加上辣麻两种重口味调料，汤底浓而不油，多饮几啖都唔怕腻。粗身带麦香嘅面条就烟烟韧韧，浸耐咗都唔会淋晒，挂汤力十足。
我觉得芫荽索汤后，食落好似一般蔬菜，所以叫呢款嚟食有比较健康嘅感觉，各方面都比较平均，推介大家一战！
[价钱 Price]
💰$105
辣麻肉碎拌面 🍜
朋友今次想试下拌面，同样拣咗小辣小麻，一上台就闻到香料嘅芬芳，卖相都好吸引呀！拌面嘅面质同拉面大同小异，而且一样有齐芽菜、玉米笋、葱花等，不过就以较香口嘅炒肉碎取代咗较油腻嘅叉烧。我哋会推介呢款拌面俾钟意食浓味嘅朋友，因为佢嘅辣味突出，麻感明显，配上特制辣麻酱汁同用心熬制嘅汤汁，整个面层次分明，食材嘅口感同味道都异常地夹。
食到最尾嘅肉碎、配料同酱汁我哋捞埋饭食，一啲都无浪费，一面两食，抵食又新奇！
[价钱 Price]
💰$45
肉饭 🍚
虽然卖相同拉面叉烧差不多，但呢块肉嘅口感同味道都略胜一筹。由于肉块未有浸泡喺面汤内，所以酱汁味相对浓郁，肉汁亦相对较多。肉块肥瘦相间，瘦肉部分唔会干柴，肥肉口感Q弹，虽然未至于入口即化，但油腻感唔明显，怕食脂肪嘅人必试！
白饭底用上口感烟韧嘅珍珠米，淋上酱汁、晒上香葱，又一道美味嘅主食。
[价钱 Price]
💰$15
味玉 🥚
每次嚟到都必食佢哋嘅味玉，由于选用日本产嘅靓蛋，所以蛋味浓香、蛋黄色泽亮丽。煮至半熟状态，筷子轻轻施力就可以将味玉轻松分开，橙红色嘅蛋黄无论捞面定配饭都一样滋味。
张贴
