麻辣風雲 (荃碧大廈) (已結業)

話說上次冇食到佢哋名物"炸饅頭"😌Be一直耿耿於懷！趁出開荃灣就再捉朋友陪去食多次！⭐炸饅頭湧住乾冰煙霧成架艇咁出揚！夠哂氣勢😎熱辣上枱外脆內軟！點埋大量煉奶食！咁至係識食嘛😛😛⭐麻辣海蜇麻痺舌頭嘅感覺大於辣度！(😅Be個人認為有啲太油)海蜇口感爽脆！夏天食主菜前就係要點返啲涼拌小食架啦😜⭐酸菜魚上次又係無點到！所以今次一於試一試😌好大一盤！當中滿滿香料例如酸菜芫茜辣椒芝蔴等等！材料都好豐富😝除咗嫩滑嘅魚塊(超多塊!!)仲有煙韌嘅薯粉 & 吸收哂湯精華嘅豆卜！酸酸辣辣好開胃口！！⭐ 香辣雞煲(半隻)呢道菜上次都有叫到！但之前係砂煲熱辣辣上…今次係就咁用盤上！所以無咗咋咋聲嘅滋味囉🤪不過雞件嫩滑又入味！點咗小辣所以辣椒唔會太搶雞嘅鮮味！加埋洋蔥芫茜惹味又滿足！