大喜屋 (已結業)

早幾日同老婆二人世界去嘆放題, 朋友推介大喜屋, 又走去試下。刺身係必食嘅, 今次叫了三文魚, 油甘魚, 劍魚腩及鮑片 4 款。三文魚勁新鮮有口感, 油甘魚嘅香味令你回味無窮, 劍魚腩肥美, 鮑片好鮮甜, 要比個 like 燒香草羊鞍十分美味, 少少羊酥味都沒有, 老婆平時唔食羊肉, 今次竟然破例食咗。雪花牛肉鍋又係好食, 有牛肉, 冬菇, 蔬菜, 蛋。牛肉唔肥唔靭,配以幾款蔬菜, 絕對食得健康。鹽燒雞軟骨好惹味, 細細串, 連食幾串都唔過份。牛油帆立貝壽司,鰻魚壽司, 和風黑椒香蒜牛肉壽司多特别, 味道各有千秋。天婦羅蝦炸得外面香脆, 蝦味十足食落感覺又唔會太亁。食咗咁多嘢已經好飽, 所以簡簡單單叫了少少甜品, ㄧ人ㄧ杯嘅雪糕, 朱古力杯, 桂花椰汁糕, 牛乳布甸, 榴槤糯米糍, 芝士餅, 仲有馬卡龍, 馬卡龍唔算好甜, 啱我口味, 比起其他店舖嘅馬卡龍係甜到漏, 我真係唔欣賞。