班蘭葉印尼餐廳

营业中

休息中

就咁嘅，識我嘅人都知我好鍾意食唔同國家嘅嘢，唔使去旅行都可以認識世界。咁今日同女朋友喺銅鑼灣行街，等咗疫情放寬咁耐，終於俾我哋等到可以自由咁行。咁平時東南亞嘢食到食開越式，泰式，最多咪馬拉同印度式，其他都唔多機會試。今日俾我哋見到一間好多人排隊嘅小店，係食印尼食物，我哋就排咗一陣隊試吓。見到Menu其實有好多好多嘢食揀，我諗都諗咗15分鐘，最咪就叫咗燒牛仔骨，柚子雞翼，燒魚三色飯同埋一杯青檸柚子。其實味道幾唔錯，牛仔骨同魚啱晒送飯，又有個好似rendang帶有蝦醬同少少酸辣味嘅汁，幾惹味。雞翼都唔錯。值得一題店員其實識廣東話㗎，所以溝通冇難度，服務正常，大家經過可以食。